Pazhi Pagai Panjam Bangladesh/பழி பகை பஞ்சம் பங்களாதேஷ் - Kokila/கோகிலா

பங்களாதேஷ் வரலாறு நமக்கு ஓரளவுக்கு அறிமுகம் உடையதே.
தகவல்களுக்குப் பஞ்சமில்லை. இணைய ஆர்கைவ் தளங்கள், ஆங்கில
நூல்கள் என விவரங்கள் விளக்கமாக ஆவணப்படுத்தப்பட்டுள்ளன.
இந்தியர்கள் என்கிற கோணத்திலேயே நாம் அவற்றைப் பார்த்திருக்கிறோம்.
படித்திருக்கிறோம். இந்நூல் பங்களாதேஷ் களத்தில் நின்று அவற்றை
அலசுகிறது. தேவைப்படும் நேரத்தில் மேலெழும்பி பருந்துப் பார்வையில்
அண்டை நாடுகள், மற்ற உலக நாடுகள் பற்றியும் பேசுகிறது. கோணம்
மாறும் போது நுண்ணிய தகவல்களும் முக்கியத்துவம் பெறுகின்றன.
அவற்றை இந்நூலில் பதிவு செய்துள்ளேன்.
இந்நூலை கால் பங்கு எழுதியவுடனே நண்பர், எழுத்தாளர்
ஜெயரூபலிங்கத்திடம் கொடுத்துப் படித்துப் பார்க்கச் சொன்னேன். அவருடைய
கருத்துகள் மேற்கொண்டு நூலை எழுத உதவின. முழுவதும் எழுதி
முடித்தவுடன் நண்பர், எழுத்தாளர் அ. பாண்டியராஜனிடம் கொடுத்தேன்.
குறுகிய காலத்தில் பிழை திருத்திக் கொடுத்து உதவினார். இருவருக்கும்
நன்றி.
எழுதுவதற்கு ஊக்கமளித்து வழிகாட்டும் ஆசிரியர் பா. ராகவனுக்கு நன்றி.
-கோகிலா.